Оралда жолаушылар автобусы 53 жастағы азаматты қағып өлтірді

Оралда жолаушылар автобусы ер азаматты қағып өлтірді. Полиция департаменті мәліметінше, оқиға 28 ақпан күні сағат 20:00-де болған деп хабарлайды KAZ.NUR.KZ.

"Жол апаты Жәңгір хан көшесіндегі автобус аялдамасының қасында болған. Қазір сараптама тағайындалып, сот алды терге жұмыстары жүргізулуде",- деді БҚО ДП баспасөз қызметінде.

"Оқиға орнына жедел жәрдем қызметінің бригадасы келіп жетті. 53 жастағы азамат ақ халаттылар келгенше көз жұмған",- деп хабарлады облыстық денсаулық сақтау министрлігінде.

Бесінші бағыттың автобусы "Оралавтотранс" ЖШС иелігінде. Орал жолаушылар көлігі бөлімінде оқиғаның мән-жайы анықталып жатқаны айтылды.