Нұр-Сұлтанда жігіт пен қыз көпқабатты ғимараттың терезесінен секіріп кетті (видео)

Нұр-Сұлтанда полиция қызметкелері Қабанбай батыр, 40 мекенжайы бойынша келіп жеткен. Онда жас келіншек алғашқыда көпқабатты ғимараттың терезесінен секіремін деп қорқытып, артынша өз ойын жүзеге асырған деп хабарлайды KAZ.NUR.KZ.

Куәгерлердің айтуынша, 21 мамыр күні сағат кешкі жеті шамасында бойжеткен биік ғимараттың үстіне шығып, секіремін деп қорқытқан. Көшеге жиылған бір топ адамды жағдайда бірден смартфонға таспалай бастаған.

Оқиға орнына бірден қаланың полиция қызметкелері мен жедел және әлеуметтік қызмет өкілдері келіп жеткен.

Елорданың полиция департаменті NUR.KZ тілшісіне аталған фактіні растады.

"18:45-те полицияға адамның құлауы туралы хабарлама келіп түсті. Қабанбай батыр көшесіндегі көпқабатты ғимараттың сегізінші қабатынан бір жігіт құлаған. Шамамен 25-30 жас арасында, азиат. Оқиға орнына бірден полиция қызметкерлері мен шұғыл қызмет аттанды.

Ал шамамен 40 минут өткен соң жігіттің артынан қыз да секіріп кетті. Оның жасы 25-35 арасында. Ол төтенше жағдайлар департаменті ашып қойған батутқа құлады. Қазір екеуі де ауруханада жатыр. Оқиғаның мән-жайы тексерілуде. Қылмыстық кодекстің 105-бабы бойынша сот алды тергеу жұмыстары басталды", - деп хабардар етті полицияда.

Айта кетейік, осыған дейін Атырауда 1999 жылы туған қыз көпірден секіріп, мерт болған еді.

Мәтіннен қате тапсаңыз, бізге жазыңыз