Маңғыстау облысында жоғалған ер адамның денесі табылды

Маңғыстау облысында ер адам Каспий теңізінде інісімен бірге балық аулауға барған, бірақ бір сәтте қайық суға батып кеткен. Мәйітті судан шығарып алу үшін бір күн қажет болды деп хабарлайды "Хабар 24".

Марқұмның ағасы олардың теңізге балық аулауға шыққандарын айтты. Алайда, қайықта тесік пайда болып, ол батып кетіпті.

Бір тәуліктен кейін 64 жастағы ер адамның денесі судан шығарылды.

Операцияға құтқарушылар, полиция қызметкерлері және әскери қызметкерлер қатысты.

Маңғыстау облысы Төтенше жағдайлар департаменті бастығының орынбасары Бекболат Әбдіқадыровтың айтуынша, 66 жастағы ер адам судағы төтенше жағдайдан кейін Құлалы аралына жүзіп үлгерген. Ол оқиға туралы хабарлаған жерден метеорологиялық пост орналасқан.

Өкінішке қарай, оның ағасы құрлыққа жете алмай, суға батып кетті. Биылғы жылы облыста 9 адам, оның ішінде бір жасөспірім судағы апаттың құрбаны болды.

Еске салсақ, Қарағанды облысында құтқарушылар мен сарбаздар көлікпен бірге суға батқан әйел мен жасөспірім қызды құтқарып қалған болатын. Суға батып кетуге шақ қалған автокөлік рөлінде 42 жастағы келіншек отырған. Оның қасында 16 жастағы қыз болған.

Сондай-ақ, Батыс Қазақстан облысында көлікпен бірге суға батып кеткен үш бала туралы оқиғаның мән-жайы белгілі болды. Қаза тапұан балалар Достық ауылында тұрған. 9 және 7 жастағы екі ұл – ағайынды. Екі ұлынан айырылған ата-ананың тағы бір кішкентайы бар. 

Мәтіннен қате тапсаңыз, бізге жазыңыз