Ақтөбеде бір отбасының екі баласы суға батып кетті

Ақтөбеде бір отбасының екі баласы суға батып кетті, деп хабарлайды KAZ.NUR.KZ тілшісі өңірлік ТЖД баспасөз қызметіне сілтеме жасап.

Ведомство мәліметінше, 30 шілде сағат 14: 19-да Ақтөбе облысы кезекшілік-диспетчерлік басқару пултіне Ақтөбе қаласы Алматы ауданы Заречный-1 оңтүстік айналма көпір ауданы маңында суға түсуге жабдықталмаған орында 18 жастағы баланың суға батып кеткені жөнінде хабарлама түскен.

Нәтижесінде азаматтың денесі жағадан 10 метр қашықтықта 3 метр тереңдіктегі судан шығарылған.

Ал 19:30-да аталған мекенжайдағы жабдықталмаған орында 2 баланың батып кеткені жөнінде ақпарат түскен.

Оқиға орнына дереу жеткен құтқарушылар бір үйдің 2009 және 2011 жылғы екі баласы суға батқанын анықтады. Олардың денесі жағадан 15 метр қашықтықта 3 метр тереңдіктегі судан шығарылды.

Мәтіннен қате тапсаңыз, бізге жазыңыз