Ақмола облысында белгісіз заттың жарылуы кезінде ер адам қаза тапты

Ақмола облысы Целиноград ауданы Тайтөбе ауылында үйінің ауласына әкелінген көмірді сұрыптау кезінде белгісіз заттың жарылуынан ер адам қаза тапты, деп хабарлайды облыстық ТЖД баспасөз қызметі.

Ведомствоның мәліметінше, ер адам оқиға орынында қаза тапқан.

"Целиноград ауданы Тайтөбе ауылының жеке тұрғын үй аумағында әкелінген көмірді сұрыптау кезінде белгісіз заттың жарылуы орын алды, нәтижесінде оқиға орнында 1981 жылы туған үй иесі қаза тапты, сондай-ақ, жарақаттанған үй иесінің ағасы – 1977 жылы туған ер адам және ағасының 2018 жылы туған кәмелетке толмаған ұлы Нұр-Сұлтан қаласының №2 ауруханасына жатқызылған. Қазіргі уақытта полиция қызметкерлері жедел тергеу шараларын жүргізуде", - делінген хабарламада.

Оқиға орнына ТЖД 2 қызметкері, 1 бірлік техника, жедел тергеу тобының 10 қызметкері және 3 бірлік техника шыққан.

Мәтіннен қате тапсаңыз, бізге жазыңыз