Абай облысында шөп жинауға барған жасөспірім мерт болды

Абай облысында шөп жинауға барған жасөспірім қайтыс болды, деп хабарлайды Telegram-дағы POLISIA.KZ арнасы.

Полицияның мәліметінше, қайғылы оқиға 14 сәуірде болған.

Яғни, сол күні Бесқарағай ауданындағы бос жердегі орман шаруашылықтарының бірінде жасөспірім өзінің танысымен бірге шөп жинай бастаған.

Жұмыс барысында жасөспірім трактор мен білік жетегі арқылы тракторға тіркелген шөп орау прессінің арасында тұрған. Кенет ол секірмек болғанда, білікке киімі ілініп, қысылып қалған.

Салдарынан 17 жастағы жасөспірім оқиға орнында дене жарақатынан көз жұмған.

Полиция қазіргі таңда осы факті бойынша сотқа дейінгі тергеу басталғанын атап өтті.

Мәтіннен қате тапсаңыз, бізге жазыңыз