Көкшетауда құрылыста 20 жастағы жұмысшыны тоқ соқты

Ақмола облысында құрылыс жұмыстарын жүргізу кезінде 20 жастағы жұмысшыны тоқ соқты. Жас жігіт салдарынан оқиға орнында қайтыс болды. Аталған факті бойынша тергеу басталды, деп хабарлайды 716.kz.

Басылымның өңірдегі полиция департаментінің баспасөз қызметіне сілтеме жасап хабарлауынша, оқиға 30 сәуір күні Көкшетауда болған.

Ташенов пен Уәлиханов көшелерінің қиылысында құрылыс жұмыстары кезінде 20 жастағы жұмысшыны тоқ соққан. Ер адам оқиға орнында көз жұмды. Басылымның дерегінше, марқұм жергілікті кәсіпорындардың бірінде жұмыс істеген.

Аталған факті бойынша Қылмыстық кодекстің 156-бабы 3-бөлігі бойынша (Еңбек қауіпсіздігі ережелерін бұзу) сотқа дейінгі тергеу басталған.

Полиция сот-медициналық сараптама тағайындап, оқиғаның мән-жайы анықталуда.

Мәтіннен қате тапсаңыз, бізге жазыңыз