Ақтауда жасөспірім қыз бен ер адам суға батып кетті

Жксенбі, 20 тамызда Маңғыстау облысындағы демалыс базаларында екі бірдей қайғылы жағдай болды, деп жазады Lada.kz.

Жедел жәрдем станциясының журналистерге хабарлауынша, кеше, 20 тамызда "Монтажник" демалыс базасында сағат 11:47-де 14 жастағы қыздың қайтыс болғаны тіркелген.

Екінші қайғылы жағдай сағат 18:00-де жақын маңайдағы "Бриз" демалыс базасында болды. Суға батып кеткен 36 жастағы ер адам көз жұмған. Кейбір деректерге сәйкес, марқұм - бес баланың әкесі.

Екі жағдайда да ер адам мен жасөспірім дәрігерлер келгенше қайтыс болған.

Мәтіннен қате тапсаңыз, бізге жазыңыз