Қостанайда 6 жасар қыз ішінде суы бар құдыққа құлап кеткен

Қостанайда құтқарушылар құдыққа құлап кеткен қызды аман алып шықты. Бұл туралы KAZ.NUR.KZ ТЖМ Telegram-дағы ресми арнасына сілтеме жасап хабарлайды.

Ведомство мәліметінше, бүгін Қостанай қаласының Әуежай шағынауданында 2017 жылы туған қыз абайсызда жылу құдығына құлап кеткен.

ТЖД жедел-құтқару жасағының қызметкерлері оқиға орнына дереу жеткен.

"Оларға бейтаныс адам да көмектесті. Құдықтың ішіндегі судың биіктігі 60-70 см. Құтқарушылар баланы құдықтан шығарып, жедел жәрдем бригадасына берді", - делінген хабарда.

ТЖМ өкілдері ата-аналарды сергек болуға және балалармен сақтық шараларын сақтауға шақырды.

Мәтіннен қате тапсаңыз, бізге жазыңыз