Астанадағы тұрғын үйлердің бірінің қасбеті баланың үстіне опырылып құлады (видео)

Желіде үйдің қасбетінің бір бөлігі баланың басына опырылып түскен сәті көрсетілген видео тарады. Астана әкімдігінің денсаулық сақтау басқармасы зардап шеккен баланың жағдайынан хабардар етті, деп жазады KAZ.NUR.KZ.

Оқиға орнынан түсірілген видео Telegram-дағы "Астана - Что? Где? Когда?" арнасында жарияланды.

Видеодан подъезден шығып келе жатқан балаға қасбеттің опырылып құлаған сәтін көруге боалды. Баланың соңынан ересек адам шығады.

Денсаулық сақтау басқармасының баспасөз қызметі NUR.KZ тілшісіне бұл жайт бір күн бұрын, 12 мамырда Астанада болғанын хабарлады.

"№2 көпсалалы қалалық балалар ауруханасының травматология бөліміне 2013 жылы туған бала бастың самай бөлігіндегі жарақатқа шағымданып келді.

Қарап тексергенде соғылған-нүктелі жара анықталды. Жалпы жағдайы қанағаттанарлық", - делінген ведомство хабарламасында.

Сондай-ақ бала хирургтің амбулаторлық бақылауына жіберіліп, тиісті ұсыныстар берілгені атап өтілді.

Мәтіннен қате тапсаңыз, бізге жазыңыз