Екібастұзда терезеден құлаған үш жасар бала көз жұмды

Екібастұзда 3 жасар бала терезеден құлап қайтыс болды. Оқиға 5 тамыз күні кешке болған, деп хабарлайды KAZ.NUR.KZ.

КЛЮЧЕВЫЕ МОМЕНТЫ

Данный текст создан автоматически при помощи ИИ и не проходил проверку редактора, поэтому может содержать фактологические или грамматические ошибки. Подробности в публикации

• Екібастұзда 3 жасар бала 5-қабаттағы терезеден құлап кетті. 
• Оқиға 5 тамыз күні кешке болған, жедел жәрдем қызметкерлері баланы дереу ауруханаға жеткізген.
• Павлодар облысының денсаулық сақтау басқармасының мәліметінше, бала келесі күні ауыр жарақаттан қайтыс болған.

Облыстық жедел жәрдем станциясының ақпаратынша, дүйсенбіде сағат 17.07-де қоңырау келіп түскен.

Оқиға орнына жеткен дәрігерлер үш минуттан кейін баланы Екібастұз қалалық ауруханасына жеткізді.

2021 жылы туған баланың 5-қабаттың терезесінен құлағаны анықталды. Жедел медициналық көмек көрсетілгенімен, баланы аман алып қалу мүмкін болмаған.

"Ол келесі күні ауыр жарақаттан қайтыс болды", - деді Павлодар облысы денсаулық сақтау басқармасының өкілдері.

Айта кетейік, бұған дейін Шығыс Қазақстан облысында екі жасар бала терезеден құлап кеткен еді.