Астанада көпқабатты үйдің маңынан 19 жастағы ер адамның денесі табылды
Опубликовано:
Кеше, 13 қазанда Астанада көпқабатты үйдің жанынан ер адамның денесі табылды. Оның жеке басы анықталып, қылмыстық іс қозғалды, деп хабарлайды KAZ.NUR.KZ тілшісі елордалық ПД-ға сілтеме жасап.
Көпқабатты үйдің жанынан табылған 19 жастағы жігіт туралы ақпарат расталды.
"13 қазан күні "102" арнасына өмір белгілері жоқ жатқан ер адам туралы хабарлама түсті. Полиция қызметкерлері келгенде қайтыс болған адамның жеке басы анықталды. "Алматы" ауданының полиция басқармасы қайтыс болу фактісі бойынша қылмыстық іс қозғады. Оқиғаның мән-жайы анықталып жатыр. ҚР Қылмыстық-процестік кодексінің 201-бабына сәйкес өзге ақпарат жарияланбайды", - делінген жауапта.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/accident/2174116-astanada-kopqabatty-uiding-mangynan-19-zhastagy-er-adamnyng-denesi-tabyldy/