Астанада 4 бала қаза тапқан өрт оқиғасы бойынша қылмыстық іс қозғалды
Жарияланған күні:
Астана қаласының ТЖД-і 4 бала қаза тапқан өрт оқиғасы бойынша қылмыстық іс қозғады. ТЖД өкілдерінің мәлімдеуінше, өрт қауіпсіздігі талаптары бұзылған, деп хабарлайды қалалық ТЖД-ге сілтеме жасаған KAZ.NUR.KZ.
"Балалардың қаза болуына әкеп соққан өрт қауіпсіздігі талаптарының бұзылуына байланысты жеке екі қабатты тұрғын үйде болған өрт фактісі бойынша ТЖД анықтау бөлімі ҚР ҚК 292-бабы 3-бөлігі бойынша қылмыстық іс қозғады. Тергеу нәтижелері тексеру аяқталғаннан кейін айтылады", - делінген Instagram-дағы парақшада жарияланған ресми хабарламада.
Айта кетейік, бұған дейін Астанада жекеменшік үйдегі өрттен төрт бала қаза тапқанын хабарлаған болатынбыз. Олардың жасы 2-ден 13 жасқа дейін болған — 2011, 2015, 2021 және 2022 жылдары туған.
Елорда әкімдігі төрт бала қаза тапқан өрт оқиғасынан зардап шеккен отбасыларға тиісті көмек көрсетілетінін хабарлады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/accident/2188536-astanada-4-bala-qaza-tapqan-ort-oqigasy-boiynsha-qylmystyq-is-qozgaldy/
