"Өтіп бара жатқан адамдар көмек сұраған дауыстар естіген": Оралда құдыққа түсіп кеткен ер адам құтқарылды

Орал түрғыны үйінің жанында орналасқан канализациялқ құдыққа құлап кетті. Ер адамға құтқарушылар бірден көмекке келді, деп хабарлайды ТЖМ баспасөз қызметіне сілтеме жасаған KAZ.NUR.KZ.

Төтенше жағдайлар министрлігінің Telegram-дағы ресми парақшасындағы ақпаратқа сәйкес, оқыс оқиға бүгін Орал қаласында Урдинская көшесінде орын алған. Белгілі болғандай, 1989 жылы туған ер адам үйінің маңындағы үш метрлік люкке құлады.

"Жанынан өтіп бара жатқан адамдар көмек сұраған дауыстар естіп, 112 қызметіне қоңырау шалды. Құтқарушылар дереу оқиға орнына барып, альпинистік жабдықтардың көмегімен ер адамды люктен шығарды. Зардап шеккен адам жедел медициналық жәрдем қызметкерлеріне тапсырылды", - делінген ресми хабарламада.