"Жарыс кезінде болған": Абай облысында ішінде төрт адам отырған көлік Ертіске құлап кетті (фото, видео)

Абай облысында жеңіл көлік Ертіс өзеніне құлап кеткен. Алдын ала ақпарат бойынша, салонда төрт адам болған. Іздестіру-құтқару жұмыстары жүргізіліп жатыр. Бұл туралы KAZ.NUR.KZ Ішкі істер министрлігіне сілтеме жасап хабарлайды.

Министрліктің Telegram-дағы арнасында жарияланған ақпаратқа қарағанда, 2025 жылғы 5 қаңтарда сағат 06:00-де Полковничий аралында, Бүркіт ұясы маңында жеңіл автокөлік жардан Ертіс өзеніне құлап кеткені жөнінде хабарлама түскен. Алдын ала мәліметтер бойынша көлік ішінде төрт адам болған.

"Рульді басқарған жүргізуші жағалаудан шығып, қоршаумен соқтығысқан. Апат салдарынын көлік өзенге құлаған. Оқиға орнына жедел түрде полиция қызметкерлері мен құтқарушылар жіберілді. Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталып жатыр", - деді Семей полиция департаменті басшысы орынбасары Жандарбек Ахметжанов.

Полиция өкілдері жол қозғалысы қауіпсіздігін қамтамасыз етудің маңыздылығын еске салады және жүргізушілер мен жолаушыларды мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады.

Мәтіннен қате тапсаңыз, бізге жазыңыз