Жезқазғанда қоқыс контейнерінен ер адамның бөлшектелген денесі табылды

Желіде Жезқазғанда ер адамның бөлшектелген денесі табылғаны туралы ақпарат пайда болды. Бұл жайтқа қатысты Ұлытау облыстық полиция департаменті түсінік берді, деп хабарлайды KAZ.NUR.KZ.

Жезқазғандағы кісі өлімі туралы ақпарат Telegram-дағы "Криминалды Қазақстан" арнасында жарияланды.

"30 қаңтарда түскі уақытта Жезқазған қаласында қоқыс контейнерінен аяғы жоқ 1985 жылы туған жергілікті тұрғынның бөлшектелген денесі табылды", - делінген жазбада.

Ұлытау облыстық полиция департаменті өкілдері қылмыстың 30 қаңтарда Байқоңыров көшесіндегі үйлердің бірінде болғанын хабарлады.

"Таныс адамдардың арасында жанжал туып, салдарынан кісі өлтіру оқиғасы болды. Полиция қызметкерлері Жезқазған қаласының екі тұрғынын анықтап, ұстады, олар уақытша ұстау абақтысына қамалды", - дейді ведомстводағылар.

Тергеу жүріп жатыр.

Мәтіннен қате тапсаңыз, бізге жазыңыз