Ақтөбе облысында немересін құтқармақ болған атасы да ажал құшты

Ақтөбе облысында суға батып бара жатқан немересін құтқармақ болған атаса қоса суға кетті, Олардың денесін куәгерлер шығарып алған, деп хабарлайды өңірдегі ТЖД.

Ведомство баспасөз қызметінің дерегінше, 19 маусымда Бестамақ ауылында Елек өзенінен куәгерлер 1965 жылғы ер адам мен 2009 жылы туған кәмелетке толмаған қыздың денесін шығарып алған.

"Алдын ала дерек бойынша, жасөспірім суға түспеген. Шомылуға болмайтын, суы таяз жер арқылы өзеннің арғы бетіне өтпек болған кезде ол су астындағы шұңқырға түсіп кеткен", - делінген Ақтөбе облысы ТЖД баспасөз қызметі.

Немересін құтқармақ болған атасы артынан суға сүңгігенімен, өзі де суға кеткен.

Ведомстводағылар аталған участокта "Суға шомылуға болмайды" деген белгі тұрғанын жеткізді. Судың қатты таяздығына байланысты дәл осы жерде суға түсуге болмайды.

Мәтіннен қате тапсаңыз, бізге жазыңыз