Талдықорғанда 14 жастағы қыз тереңдігі төрт метрлік құдыққа құлап кетті (видео)
Жарияланған күні:
Талдықорғанда 14 жастағы қыз ашық жатқан терең құдыққа құлап кетті. Жетісу полициясының хабарлауынша, құдықтың тереңдігі шамамен 4 метр, деп хабарлайды KAZ.NUR.KZ.
Оқиға түнгі уақытта болған. Түнгі сағат 00:00 шамасында 14 жастағы қыз ашық жатқан, шамамен төрт метрлік құдыққа құлап кеткен.
Жетісу облыстық полициясының дерегінше, оқиға орнына патрульдік полиция ротасының қызметкерлері, "Беркут-163" және "Беркут-164" экипаждары жетіп, қызды арқанның көмегімен аман-есен шығарып алған.
"Зардап шеккен қыз дәрігерлерге тапсырылды. Кейін қауіпті құдықты жабу бойынша тиісті шаралар қабылданып, ата-аналармен профилактикалық түсіндіру жұмыстары жүргізілді", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/accident/2401619-taldyqorganda-14-zhastagy-qyz-terengdigi-tort-metrlik-qudyqqa-qulap-ketti-video/
