Қапшағай су қоймасында жас жігіт өзгені құтқарамын деп өзі қаза тапты

Қонаев қаласының әкімі Асхат Бердіханов Қапшағай су қоймасында болған қайғылы оқиға жайлы хабарлады: жас жігіт суға кетіп бара жатқан демалушыны құтқарамын деп өзі қаза тапты, деп хабарлайды KAZ.NUR.KZ.

Қала басшысы бұл туралы Instagram парақшасында жазды.

"Қонаев қаласының тұрғыны Андрей Филиппович Козятинскийдің Қапшағай су қоймасында өзгені құтқарамын деп, өз өмірін қиғаны туралы қайғылы хабарды ауыр қабылдадым. Бұл ерлік – батылдық пен жанқиярлықтың, жоғары адамгершіліктің нағыз үлгісі", - деп жазды әкім.

Оның айтуынша, Андрей өз қауіпсіздігін ойламастан, қиын жағдайға тап болған адамға көмекке ұмтылған.

"Мұндай қадамға тек жүрегі кең, мінезі мықты адам ғана бара алады. Қонаев қаласының тұрғындары атынан Андрейдің әкесіне, бауырына, туған-туыстарына және оны танып-білген барша жақын адамдарына қайғырып көңіл айтамын. Бұл орны толмас қайғыны бастан кешіп отырған отбасына қолдау сөздер жолдаймын", - деп жазды қала әкімі.

Посмотреть эту публикацию в Instagram

Публикация от Бердіханов Асхат Ермекұлы (@berdikhanov_askhat)

Мәтіннен қате тапсаңыз,бізге жазыңыз