Есіл өзенінен жүзіп өтпек болған елорда тұрғыны суға кете жаздады (видео)

Астанада құтқарушылар Есіл өзенінен жүзіп өтпек болып, бата жаздаған ер адамды судан шығарды. Ол жағаға жете алмаған. Ол дәрігерлерге тапсырылды, деп хабарлайды Төтенше жағдайлар министрлігіне сілтеме жасаған KAZ.NUR.KZ.

ТЖМ мәліметінше, Сарайшық ауданында "Арыс" көпірінің астында ер адам Есіл өзенінен жүзіп өтпек болған, алайда өздігінен жағаға жете алмаған.

"Осы аумақта кезекшілікте болған ТЖМ құтқарушылары оқиға кезінде жедел әрекет етті. Құтқарушылар құтқару шеңберінің көмегімен ер адамды судан алып шықты", - делінген хабарламада.

Құтқарылған адам медициналық тексеруден өту үшін медицина қызметкерлеріне тапсырылды.

ТЖМ өкілдері азаматтарға судағы қауіпсіздік ережелерін сақтауды ескертеді.

Мәтіннен қате тапсаңыз,бізге жазыңыз