Көкшетаудағы ойын клубында құлаған әйел омыртқасынан жарақат алды

Көкшетауда ойын клубтарының бірінде 40 жастағы әйел жарақат алды. Полиция қызметкерлері бұл оқиғаға байланысты қылмыстық істі тергеп жатыр, деп хабарлайды Ақмола облыстық ПД-ға сілтеме жасаған KAZ.NUR.KZ.

Ведомствоның баспасөз қызметінің мәліметінше, 1986 жылы туған әйелдің арызы сотқа дейінгі тергеп-тексеруді бастауға негіз болған. Оның айтуынша, ол клубтағы ойын кезінде құлап, омыртқасынан жарақат алған.

Бұл факт бойынша полицейлер қауіпсіздік талаптарына сай келмейтін қызметтер көрсету бабы бойынша істі тергеп жатыр.

Тергеу барысында полиция қызметкерлері ойынды ұйымдастырушыны анықтаған. Қазіргі уақытта құқық қорғау органдары оның оқиғаға қатысы бар-жоғын тексеріп, сондай-ақ әйелдің жарақат алуына қатысты барлық мән-жайды анықтап жатыр.

Тергеушілер әйелдің нақты қандай жағдайда құлағанын, жарақатты тікелей ойын барысында алған-алмағанын анықтамақ.

Полиция өкілдері барлық тұлғаның әрекетіне түпкілікті құқықтық баға сотқа дейінгі тергеп-тексеру нәтижелері бойынша берілетінін қоса кетті.

Мәтіннен қате тапсаңыз,бізге жазыңыз