Таразда баланың басы пластик горшокқа қысылып қалған: құтқарушылар көмекке келді (видео)

Таразда екі жасар қыздың басы пластик горшокқа қыстырылып қалды. Құтқарушылар горшокты кесіп, баланың басын ыдыстан шығарып алды. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.

Төтенше жағдайлар министрлігі баспасөз қызметінің мәліметінше, Жамбыл облысы Тараз қаласында 2024 жылы туған баланың басы пластик ыдысқа қыстырылып қалған.

"Оқиға орнына жеткен ТЖМ қызметкерлері жағдайды бағалады. Олар арнайы құралдың көмегімен пластик ыдысты абайлап кесіп, баланың басын шығарып алды. Оған медициналық көмек қажет болмады", - делінген хабарламада.

Төтенше жағдайлар министрлігі ата-аналарға балаларды ойын кезінде мұқият қадағалауды және қараусыз қалдырмауды ескертті.

Мәтіннен қате тапсаңыз,бізге жазыңыз