Астанада бес жасар бала терезеден құлап кетті

Астанада бес жасар бала екінші қабаттың терезесінен құлады. Денсаулық сақтау басқармасының мәліметінше, тексеруден кейін ата-анасы баланы ауруханаға жатқызудан бас тартқан, деп хабарлайды KAZ.NUR.KZ.

Ведомство өкілдерінің дерегінше, жедел жәрдем бригадасы екінші қабаттан құлаған баланы №2 көпбейінді қалалық балалар ауруханасының травматология бөліміне жеткізген.

Балаға қажетті диагностикалық зерттеулер жүргізіліп, бейінді мамандар тексерді. Ата-анасы баланы стационарға жатқызудан бас тартты.

"Тексеру мен зерттеуден кейін ата-анасы баласын ауруханаға жатқызудан бас тартты. Тиісті қолхат алынды. Ата-анасына түсіндіру жұмыстары жүргізілді", - деп хабарлады денсаулық сақтау басқармасы.

Мәтіннен қате тапсаңыз, бізге жазыңыз