Ақмола облысында аңшылық кезінде ер адам оқ жарақатынан көз жұмды

Ақмола облысында аңшылық кезінде мылтықтан абайсызда оқ атылды. Салдарынан 64 жастағы ер адам қайтыс болды, деп хабарлайды KAZ.NUR.KZ өңірлік полиция департаментіне сілтеме жасап.

"Алдын ала мәлімет бойынша, 6 қыркүйеке Зеренді ауданының аумағында аңшылық кезінде оқыс оқиға тіркелді. Көкшетау тұрғынына тиесілі аңшы мылтығынан абайсызда оқ атылған.

Оқ тиюі салдарынан 64 жастағы ер адам дене жарақатын алды. Ол оқиға орнында көз жұмды", - деп хабарлады ведомствоның баспасөз қызметі.

Аталған факті бойынша қылмыстық іс қозғалды. Қазіргі таңда сотқа дейінгі тергеу амалдары жүргізіліп жатыр.

Қару иесі ұсталып, уақытша ұстау изоляторына қамалды. Оқиғаның мән-жайы тергеу барысында анықталады.

Мәтіннен қате тапсаңыз,бізге жазыңыз