"Техника төмен қарай жүріп кетті": Алматыда кран құлады

Алматыда құрылыс краны құлап, салдарынан бір адам жансақтау бөлімінде жатыр. Бұл туралы КТК телеарнасы хабарлады.

Алматыда кран құлауы салдарынан бір адам ауыр жарақат алды. Еңісте тұрған алып техника өздігінен төмен қарай жүріп кеткен. Оны тоқтатамын деп зардап шеккен ер адам қазір жансақтау бөлімінде жатыр.

Апат Шығыс айналма жолында болған. Автокран жүк көтеру үшін таңғы уақытта құрылыс алаңына келген екен. Жүргізуші шылым шегуге сыртқа шыққанда, техника кенеттен төмен қарай жүріп кетеді.

Екі қызметкер кабинаға кіріп тоқтатуға тырысқанымен, кран алдындағы бетон блок пен қоршауларды түгел қиратып, жаяу жүргіншілер жолына жеткенде бір-ақ тоқтаған. Қазір оқиғаның мән-жайын анықтау үшін полиция тергеу жүргізіп жатыр.

Мәтіннен қате тапсаңыз,бізге жазыңыз