Алматыда жол жиегінде тұрған жүк көлігі өздігінен жүріп кетті: жүргізуші жарақат алды (видео)

Алматыда жол жиегінде тоқтап тұрған ауыр жүк көлігі өздігінен жүріп кетіп, салдарынан бір адам ауруханаға түсті, деп хабарлайды қалалық полиия департаментіне сілтеме жасаған KAZ.NUR.KZ.

Оқыс оқиға 9 қыркүйек таңертең Медеу ауданында, Сағадат Нұрмағамбетов көшесі мен Шығыс айналма автомобиль жолының (ШҮАЖ) қиылысында орын алған.

Қалалық полиция департаментінің баспасөз қызметі хабарлағандай, 41 жастағы жүргізуші МАЗ маркалы жүк көлігін жол бойына қалдыру кезінде қауіпсіздік шараларын толық сақтамаған.

"Қозғалысқа түскен ауыр көлік әуелі бетон бөгеттерге соғылып, кейін арыққа бір-ақ құлаған. Жүргізуші өздігінен кеткен көлікті тоқтатуға ұмтылғанымен, өзі жарақат алып қалды. Оқиға орнына жеткен жедел жәрдем бригадысы зардап шеккен азаматты облыстық ауруханаға жеткізді", – делінген полиция хабарламасында.

Қазіргі уақытта құқық қорғау органдары оқиғаның толық мән-жайын анықтау мақсатында тексеру жұмыстарын жүргізіп жатыр. Жүргізуші аман.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз