Көкшетауда бала жүріп бара жатқан көліктен құлап кетті (видео)

Көкшетаудағы мектептердің бірінің маңында бала жүріп бара жатқан көліктен құлап кетті. Оқиға видеоға түсіп қалды, деп хабарлайды Ақмола облысы ПД-ға сілтеме жасаған KAZ.NUR.KZ.

Ведомство баспасөз қызметінің ақпаратына сәйкес, оқиға 5 қазанда сағат 8:00 шамасында Көкшетаудағы мектептердің бірінің жанында болған.

Полиция дерегінше, Subaru Forester автокөлігінің жүргізушісі мектепке жақындап келген, алайда баланы белгіленбеген жерде түсірмек болған. Алайда көлік тоқтап үлгермей жатып, есігін ашып, көліктен құлап кеткен.

Полицейлер баланың жасына сай балаларды тасымалдау кезінде қажетті арнайы құрылғысыз немесе қауіпсіздік белдігіне арналған адаптерсіз тасымалданғанын анықтады.

Оқиға бойынша жүргізуші жолаушыларды тасымалдау талаптарын және тоқтау ережелерін бұзғаны үшін әкімшілік жауапкершілікке тартылды. Сондай-ақ онымен алдын алу туралы әңгіме жүргізіліп, балаларды тасымалдау ережелерін қатаң сақтау қажеттігі ескертілді.

Мәтіннен қате тапсаңыз, бізге жазыңыз