Кәуапқа қақалған Өскемен тұрғыны өлім аузынан қалды

Өскеменде 57 жастағы ер адам кәуапқа қақалып, өлім аузынан қалды. Оны облыстық жедел медициналық жәрдем станциясының бригадасы аман алып қалды, деп хабарлайды KAZ.NUR.KZ YK-news.kz-ке сілтеме жасап.

ШҚО денсаулық сақтау басқармасының мәліметінше, бригада келген сәтте науқастың жағдайы өте ауыр болған. Онда цианоз, тыныс алуының қиындауы және тыныс алу жолдарының айқын бітелуі байқалды.

Фельдшерлер дереу көмек көрсетуге кірісті. Олар Геймлих әдісін қолданды, соның арқасында бөгде затты шығарып, ер адамның өз бетінше тыныс алуын қалпына келтіруге мүмкіндік туды.

Шұғыл көмек көрсетілгеннен кейін науқас әрі қарай тексеру және бақылау үшін медициналық мекемеге жеткізілді.

Мәтіннен қате тапсаңыз, бізге жазыңыз