Шымкентте жалғызбасты ер адам өз үйінде ажал құшты

Шымкентте мас күйінде ұйықтап қалған тұрғын өз үйінде өртеніп кетті. Оқиға түнгі уақытта Теріскей шағын ауданында болған, деп хабарлайды КТК телеарнасы.

Шымкентте пәтер өртеніп, сегіз адам тұрғынүйден құтқарылды. Ал бір пәтерден ер адамның мәйіті табылған. Тұрғындардың бірі марқұм жалғызбасты болғанын айтады.

"Жалғыз басты ер адам, бір өзі тұратын. Бала‑шағасын білмеймін, бар ма, жоқ па ... Тұрғанына төрт жылдай болып қалды. Үнемі арақ ішетін. Темекі шегіп жатып ұйықтап қалып, аяғы өртеніп қайтыс болған", - дейді Ұлжан Қартанова.

Көпқабатты үйдің үшінші қабатынан түтін иісі шыққанын көршілері сезіп, есікті қаққанымен, ешкім ашпаған. Ал қызыл жалын шыға жеткен өрт сөндірушілер сегіз тұрғынды эвакуациялаған. Есікті ашып, өртті сөндіре бастағанда, сеспей қатқан 67 жастағы үй иесінің жартылай күйген мүрдесі анықталған. Оның денесі мәйітханаға жіберілді.

Оттың нақты неден шыққанын анықтау үшін сараптама тағайындалып, қылмыстық іс қозғалды.

Дереккөз: КТК телеарнасы

Мәтіннен қате тапсаңыз, бізге жазыңыз