Алматыда террорлық қауіп-қатердің қызыл деңгейі жарияланды

Алматыдағы антитеррорлық операцияларға орай қалада террорлық қауіп-қатердің қызыл деңгейі жарияланды.

Бұл туралы Алматы қалалық ІІД-ге сілтеме жасаған NUR.KZ хабарлайды.

"2016 жылдың 18 шілдесі сағат 12:20-дан бастап Алматыда террорлық қауіп-қатердің қызыл деңгейі жарияланады", - делінген хабарламада.

Қызыл деңгей - террорлық қауіп-қатердің ең жоғарғы белгісі болып саналады.

Бүгін Алматыда белгісіз біреулер полиция қызметкерлерімен қақтығысты. Нәтижесінде, тәртіп сақшылары ауыр жарақат алған. Бейресми ақпарат бойынша, 2 полицейдің қайтыс болғаны  хабарлануда.

Алматы қалалық ІІД қалада антитеррорлық операция жүріп жатқанын хабарлап, азаматтарды үйлерінен шықпауға және халық көп шоғырланған орындарға бармауға шақырды.

Сондай-ақ, желіде атысты ұйымдастырған күдіктілердің бірі ұсталғаны туралы видео жарияланды.

Алматыдағы жантүршігерлік атыс туралы толығырақ мына сілтемеден оқыңыздар.

Тағы да оқыңыздар:

Алматыдағы атыстан соң 7 полицей жансақтау бөлімінде жатыр

Алматыда жантүршігерлік атысты ұйымдастарған күдіктілердің бірі ұсталды (видео)

ІІД антитеррорлық операция жүріп жатқанын хабарлап, азаматтарды үйінен шықпауға шақырды

Алматыдағы атысты қолына автомат ұстаған белгісіз адам бастаған

Алматыдағы атыста полиция қызметкерлерін өлтіріп кетті (фото +18)