Өзбекстанда аудан басшысы қырық бес минуттық жиналыста 126 рет былапыт сөз айтқан

Азаттық радиосына жергілікті тұрғындардың бірі Ташкент облысы Паркент ауданындағы мақта алқабында болған жиналыстың аудиотаспасын жіберген. Онда аудан басшысы Нематулла Абдуллаев қарамағындағыларға дөрекі сөйлеп, былапыт сөздер айтқаны естіледі деп хабарлайды Centralasian.org басылымына сіілтеме жасаған NUR.KZ.

Аудиожазба авторының айтуынша, жиналыс кезінде Абдуллаев мақта өткізуде "жалған есеп" бергені үшін Бекабад ауданы басшысы мен прокурор және милиция басшысына қарсы қылмыстық іс қозғалғанын айтқан.

«Колледждер 1,5 тонна мақта өткіздік деп есеп берді. Бірақ шын мәнінде 700 келі мақта терген. Кеше 3 тонна мақта жинадық дедіңдер. Бірақ бар болғаны 700 келі, жаляб (жезөкше – Ред.)», – деп балағаттайды аудан әкімі колледж директорларына қаратып.

45 минутқа созылған жиналыста Абдуллаев 126 рет дөрекі сөз айтқан. Бірақ әкімнің өзі мұны жоққа шығарады.

"Мен шын мәнінде олардың берген жалған есебі үшін сөгуіме болатын еді. Егер мен кімде-кімді балағаттасам, онда мені сотқа берсін", – деп мәлімдейді ол.

Тағы оқыңыздар: 

Нұрсұлтан Назарбаев адамзат баласына төніп тұрған қатер туралы айтты

Сот орындаушыларынан әбден қысым көрген ақтөбелік азамат көмек сұрады

Кәрімов және Ақаевпен бірге боулинг ойнаған елбасының видеосы жарияланды

Іссапарға бес миллион теңге бөлуді талап еткен басшылар сотта жауап беріп жатыр

Көкшетауда үшінші сынып оқушысы басын қатерге тігіп, екі жасар сәбиді құтқарып қалған

Мәтіннен қате тапсаңыз, бізге жазыңыз