Сегіз жерден пышақтаған: Анасының өлімін айтқан Рахман Омардың ұлы елді жылатты (видео)

Маусым айында Рахман Омардың бірінші әйелін аса айуандықпен пышақтап, кейіннен анасын іздеп келген ұлын да өлтірмек болған пәтер жалдаушылар алматылықтарды дүр сілкіндірген еді. Анасынан айырылған Гүлдерайым Омарованың ұлы елге видеоүндеу жолдап, полицейлердің дұрыс жұмыс істемей жатқанын жеткізді деп хабарлайды NUR.KZ.

Посмотреть эту публикацию в Instagram

Публикация от Instagram

Досхан Рахманұлының айтуынша, полицейлер әлі күнге дейін аталған іс бойынша мардымды жұмыс істемей келеді. Арада бір айдан астам уақыт өткенімен, іс бойынша бірнеше тергеуші ауысқан, дейді ол.

Сонымен бірге, ол қылмыс жасалған сәтте пәтердің ішінде болған пәтер жалдаушылардың бірі бостандықта жүргенін де айтты.

Видеоүндеуде анасына деген жантебірентерлік сөзін арнаған жас жігіт Алматы қалалық ІІД мен ІІМ-нен бұл істі қолға алуын сұрады.

Ал Гүлдерайым Омарованың жан құрбысы болған Қарагөз Сүлейменова болса, өзінің жазбасында марқұмның өзі де 3 жасынан бастам жетімдіктің зардабын тартқанын, сұмдық жайтты өз көзімен көрген Досханға көмек ауадай қажет екенін атап өтті.

Еске салсақ, маусымның 28 күні Рахман Омардың бірінші жұбайы Гүлдерайым Омарованы пәтер жалдаушы қыздардың бірі сегіз жерден пышақтап өлтірген болатын.

Анасының өлі денесін пәтердің балконынан тауып алған ұлы Досханды да қылмыскер өлтірмек болған. Алайда Досхан олардың қолынан сытылып шығып, полицейлерге хабарлап үлгерген. Қазіргі таңда осы іс бойынша ұсталған әйел қамауға алынған.

Мәтіннен қате тапсаңыз, бізге жазыңыз