Алматыда қару асынып жұртты дүрліктірген ер адам ұсталды (видео)

Алматыда ықшам аудандардың бірінде қарумен жүрген ер адам ұсталды, деп хабарлайды KAZ.NUR.KZ тілшісі қалалық полиция департаментінің баспасөз қызметіне сілтеме жасап.

Құзырлы органның мәліметінше, кеше, 10 шілдеде шамамен кешкі 22.00 шамасында 102 пультіне қарумен жүрген ер адам туралы ақпарат келіп түскен.

Сонымен қатар хабарламада оның екі рет оқ атқаны туралы да айтылған.

Оқиға орнына бірден полиция қызметкерлері жетіп, шұғыл шаралар қабылдап, нәтижесінде ер адам ұсталған.

Алдын ала мәлімет бойынша, ол отбасылық жанжалға байланысты мұндай қадамға барған.

Қазіргі таңда аталған факті бойынша сотқа дейінгі тергеу амалдары жүріп жатыр.

Назар аударыңыз! Видеода бейәдеп сөздер бар!

Мәтіннен қате тапсаңыз, бізге жазыңыз