Жетісу облысында тұтас орман белдеуін отап тастаған: күдікті ұсталды (фото)

Жетісу облысы Панфилов ауданында 28 жастағы ауыл тұрғыны ағаштарды заңсыз кесті деген күдікке ілінді, деп хабарлайды Polisia.kz сайтының Telegram-арнасы.

Полицияның хабарлауынша, ер адам Жетісу облысы Ынтымақ ауылының маңындағы орман алқабынан барлығы 56 қарағашты кесіп тастаған.

Ер адамның кесілген ағаштардың бір бөлігін үйіне апарып үлгергендігі де айтылған.

Полицейлер Панфилов ауданының 28 жастағы тұрғынын ұстады.

"Ағаш тәркіленді. Заңсыз кесу фактісі бойынша сотқа дейінгі тергеу басталды", – делінген хабарламада.

Ер адам ағашты отын жинау үшін кескенін айтқан.

Мамандардың айтуынша, шығын көлемі 1 млн теңгеден асады.

Мәтіннен қате тапсаңыз, бізге жазыңыз