Тараз қаласындағы теміржол вокзалының аумағынан жасырылған қару-жарақ табылды

Тараздағы вокзал аумағынан полиция қызметкерлері қару-жарақ орнын тапты. Ол теміржол желісінің жанында жасырылған, деп хабарлайды "ҚР ІІМ жаңалықтарының" Telegram-арнасы.

Полицияның хабарлауынша, қару-жарақ жасырылған орын вокзал аумағынан табылған.

Жамбыл облысы ПД-нің Есірткі қылмысына қарсы іс-қимыл басқармасының қызметкерлері жедел ақпаратты жүзеге асыру барысында арнайы іс-шаралар жүргізген.

"Жедел-іздестіру жұмыстары кезінде темір жол желісі маңынан полиэтилен пакеттегі 12 калибрлі ИЖ-18ЕМ бір ұңғылы шолақ мылтық, "Полиция" деген жазуы бар қорғаныс кеудешесі тәркіленді", – делінген хабарламада.

Қылмыстық Кодекстің 287-бабы 3-бөлігімен сотқа дейінгі тергеу амалдары басталды. Сот-баллистикалық сараптамасы тағайындалды.