Астанада қаруланған ер адам: Kaspi Bank өкілдері оқиғаға қатысты түсініктеме берді

Kaspi Астанадағы банк бөлімшесінде қаруланған ер адамның банк ғимаратына келушілерді қамап ұстап отыруына қатысты мәлімдеме жасады - банк ғимаратта тек компания қызметкерлері барын мәлімдеді, деп хабарлайды Kaspi баспасөз қызметіне сілтеме жасаған KAZ.NUR.KZ тілшісі.

"Қазіргі уақытта бөлімшеде тек банк қызметкерлері ғана отыр, онда клиенттер жоқ.

Құқық қорғау органының өкілдері қызметкерлерді қорқытып отырған ер адаммен келіссөз жүргізіп жатыр. Полиция мен банк ешкімнің зардап шекпеуін қамтамасыз ету үшін бар күшін салуда.

Кез келген ақпаратты тарату кезінде жауапкершілікпен қарауларыңызды және құқық қорғау органдарының жұмысына кедергі келтірмеулеріңізді сұраймыз.

Кез келген жалған ақпарат жағдайдың шиеленісуіне әкелуі мүмкін", - делінген хабарламада.

Мәтіннен қате тапсаңыз, бізге жазыңыз