"Оператор РОП" бұрынғы құрылтайшысы Біріккен Араб Әмірлігінде ұсталды

Іздеуде жүрген "Оператор РОП" ЖШС-нің бұрынғы құрылтайшысы Ш. Мұқтарова Біріккен Араб Әмірлігінде қамауға алынды. Бұл туралы Сыбайлас жемқорлыққа қарсы қызметтің Telegram-дағы ресми арнасында хабарлады.

Антикордың мәліметінше, бұған дейін "Оператор РОП" ЖШС-нің бұрынғы құрылтайшысы Ш. Мұқтароваға аса ірі мөлшерде жымқыру күдігімен халықаралық іздестіру жарияланған болатын.

Ол Дубай қаласында ұсталып, Интерполдың көмегімен Біріккен Араб Әмірліктерінің уәкілетті органдары оны қамауға алды.

Сондай-ақ қазіргі уақытта Қазақстанның Бас прокуратурасы оны экстрадициялау рәсімін жүзеге асыруда.