"2 млн теңге бопсалаған": Теміртауда күдіктіні ұстауға арнайы жасақ тартылды (видео)

34 жастағы Теміртау тұрғыны полицияға жүгініп, белгілі бір адамның өзіне күш қолданып, қорқыту арқылы 2 млн теңге бопсалағанын хабарлаған. Күдікті ұсталды, деп хабарлайды ІІМ Telegram арнасында.

Полицияның мәліметінше, 34 жастағы қала тұрғыны белгілі бір адамның өзіне күш қолданып, қорқыту арқылы 2 млн теңге бопсалағаны туралы хабарлады.

Қарағанды облыстық ПД ұйымдасқан қылмысқа қарсы күрес басқармасының қызметкерлері "Арлан" жауынгерлерімен бірлесіп жүргізген кешенді жедел-іздестіру іс-шаралары барысында 28 жастағы ер адамды ұстаған.

"Күдіктінің тұрғылықты мекенжайына жүргізілген тінту жұмыстары кезінде кастет және пневматикалық тапанша тәркіленді", - делінген хабарламада.

Қазіргі уақытта аталған дерекке байланысты Қылмыстық кодекстің 194-бабына "Бопсалау" сәйкес қылмыстық іс қозғалған.

Күдікті уақытша ұстау изоляторына қамалды.

Мәтіннен қате тапсаңыз, бізге жазыңыз