Қостанайдың бұрынғы әкіміне тиесілі қымбат мейрамхана қайтадан сатылымға шығарылды

Қостанайдың бұрынғы әкімі Ахмедбек Ахметжановтан тәркіленген "Алтын-Саф" мейрамхана кешені қайтадан сатылымға шығарылды. Мейрамхана кешенінің бастапқы бағасы 805 млн теңгеден асады, деп хабарлайды ТоболИнфо ақпараттық агенттігі.

Тәркіленген "Алтын-Саф" мейрамхана кешені тағы да электронды сауда алаңында сатылымға шығарылды. Бұрынғы аукционда жалпы ауданы 1558,4 шаршы метрді құрайтын ғимаратты ешкім сатып алмаған.

Ақпарат агентігінің жазуынша, мейрамхана кешенінің бастапқы бағасы – 805 млн 529 мың теңге. Биыл қазан айында учаскені бағалау жүргізілген. Бағаны көтеру бойынша аукцион 17 қарашада өтеді.

"Нысан Екатеринбург-Алматы тас жолының бойында орналасқан. Алаңда дәмханасы, отын қоймасы және жапсыра салынған демалыс орны бар. Ғимарат 2014 жылы салынған", - делінген хабарламада.

Еске салайық, 2016 жылдың 11 сәуірінде Қостанайдың экс-әкімі Ахмедбек Ахметжанов пара алғаны үшін 13 жылға бас бостандығынан айырылды.

Мәтіннен қате тапсаңыз, бізге жазыңыз