"Қазақфильм" АҚ экс-президенті жемқорлық жасады деген күдікке ілінді

Сыбайлас жемқорлыққа қарсы іс-қимыл агенттігі "Шәкен Айманов атындағы "Қазақфильм" АҚ бұрынғы президенті жемқорлық жасады деген күдікке ілінді, деп хабарлайды Антикор Telegram-дағы ресми арнасында.

Антикоррупциялық қызмет мемлекет басшысының заңсыз сатып алынған активтерді іздеу және қайтару жөніндегі тапсырмаларын орындау мақсатында "Шәкен Айманов атындағы "Қазақфильм" АҚ бұрынғы президентінің қылмыстық әрекетін әшкереледі.

"2017 жылы Алматы облысының Іле өзені жағасындағы "Көшпенді" киножобасы аясында салынған жасанды "Түркістан" бекінісі Мәдениет және спорт министрлігінің бұрынғы басшылығымен үлестес коммерциялық ұйымның нарықтық құнынан 44 есе төмен бағамен сатылған", - делінген хабарламада.

Құзырлы орган мәліметінше, қазіргі уақытта осы активті және жер учаскесін мемлекетке қайтару бойынша шаралар қабылданып жатыр.

Антикор Қылмыстық-процестік кодекстің 201-бабына сәйкес өзге ақпарат жария етуге жатпайтынын мәлім етті.

Мәтіннен қате тапсаңыз, бізге жазыңыз