Астаналық әйел полицейді қорлағаны үшін жауапқа тартылады (видео)

Елордалда патрульдік полиция полкінің инспекторын қызметтік міндеттерін атқару кезінде балағат сөздермен қорлаған 29 жастағы елордалық әйел ұсталды, деп хабарлайды KAZ.NUR.KZ тілшісі елордалық ПД Instagram-парақшасына сілтеме жасап.

Кешкі уақытта полицияның "102" арнасына қала тұрғыны қоңырау шалып, дөңгелек айырбастау орталығында белгісіз әйел әдеп бұзып, орталықтан кету туралы өтінішке құлақ аспайтынын хабарлаған.

Келіп түскен қоңырауды пысықтау барысында шара қолдану үшін мекенжайға полиция қызметкері келген. Әйел тәртіп сақшысына дөрекі сөйлеген. Полиция қызметкері әйелді тәртіпке шақырған, бірақ ол дөрекілік танытып, қорлауын жалғастырған. Тәртіп бұзушы полиция бөліміне жеткізілді.

Бұл дерек Қылмыстық кодекстің 378-бабының 1-бөлігі "Билік өкілін қорлау" бойынша сотқа дейінгі тергеп-тексерудің бірыңғай тізілімінде тіркелген. Тергеу амалдары жүргізіліп жатыр.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз