"Элиталық притон ұйымдастырды": ІІМ алматылық блогерге қатысты тергеу жүріп жатқанын мәлімдеді

Желіде элиталық притон ұйымдастырды деп айыпталып, жазда ұсталған блогердің босатылғаны туралы ақпарат пайда болды. Істің тергеу барысы туралы NUR.KZ тілшісіне Ішкі істер министрлігінен хабарлады.

Telegram-арналарының бірінде бірнеше ай бұрын элиталық притон ұйымдастырды деген күдікпен ұсталған танымал блогердің босатылғаны туралы хабарлама пайда болды.

"Естеріңізде болса, жазда танымал блогер, бұрынғы эскорт А.-ны ұстағаны, ол қазақстандық "ағалар" мен "ақылы махаббат" үшін шетелдіктерге элиталық притон ұйымдастырған болатын.

А. қазір бостандықта және табысты кәсібімен айналысуын жалғастыруда", - деп жазылған жазбада.

Ішкі істер министрлігі тілшімізге берген мәлімдемесінде бұл ақпаратты жоққа шығарды.

"Күдіктіге қатысты "қамау" бұлтартпау шарасы таңдалып, ол қазір Алматы қаласының уақытша ұстау изоляторында отыр.

Сотқа дейінгі тергеп-тексеру Қылмыстық кодекстің 309-бабы "Жезөкшелiкпен айналысуға арналған притондар ұйымдастыру немесе оларды ұстау және жеңгетайлық", сондай-ақ Қылмыстық кодекстің 296-бабы "Есірткі, психотроптық заттармен, сол тектестермен өткізу мақсатынсыз заңсыз жұмыс істеу" бойынша жүргізілуде", - делінген Ішкі істер министрлігінің хабарламасында.

Ведомство өкілдері Қылмыстық-процестік кодекстің 201-бабының 1-бөлігіне сәйкес өзге мәліметтер жария етуге жатпайтыны мәлім етті.

Мәтіннен қате тапсаңыз, бізге жазыңыз