Жоғалып кеткен талдықорғандық оқушы Алматыда табылды

Полицейлер бір апта бұрын жоғалып кеткен 17 жастағы талдықорғандық қыздың Алматыдан табылған хабарлады. Бұл туралы KAZ.NUR.KZ Жетісу облыстық полиция департаментіне сілтеме жасап хабарлайды.

Полицейлердің хабарлауынша, жедел-іздестіру шаралары барысында Жетісу өңірінің тәртіп сақшылары Қаратал ауданында із-түзсіз жоғалып кеткен кәмелетке толмаған қыздың жүрген жерін анықтады.

"10 қаңтардан бері туыстары мен полицейлер іздеп жүрген жасөспірім Алматыдан табылды. Кәмелетке толмаған бала үйіне жеткізіліп, ата-анасына тапсырылды", - делінген облыстық полиция департаментінің хабарламасында.

Еске сала кетейік, 10 қаңтарда Талдықорғаннан Алматыға кеткен бойжеткеннің байланысқа шықпай, жоғалып кеткенін жазған едік.

Мәтіннен қате тапсаңыз, бізге жазыңыз