Алматы облысында колония басшысы ұсталды

Алматы облысында колония бастығы ұсталды – ол жемқорлық қылмысына күдікті. Бұл туралы KAZ.NUR.KZ Қылмыстық-атқару жүйесі комитетінің (ҚАЖК) баспасөз қызметіне сілтеме жасап хабарлайды.

Қазақстан Республикасы Ішкі істер министрлігі Қылмыстық-атқару жүйесі комитетінің өкілдері NUR.KZ тілшісіне берген ақпаратына сүйенсек, Алматы, Алматы облысы және Жетісу облысы бойынша Қылмыстық-атқару жүйесі департаменті (ҚАЖД) №57 мекемесінің басшысы А. есімді азамат кеше, 7 наурызда ұсталды. Ол пара алды деген күдікке ілінген.

"Қазір күдікті уақытша ұстау изоляторына қамалды. Тергеу мүддесі үшін өзге мәліметтер жария етілмейді", – делінген комитет хабарламасында.

Мәтіннен қате тапсаңыз, бізге жазыңыз