Прокурор Байжановқа тағылған айыпты өзгерткісі келетінін мәлімдеді

Қуандық Бишімбаев пен Бақытжан Байжанов ісі бойынша өтіп жатқан сот отырысында прокурор ұсыныс жасады. Мемлекеттік айыптаушы Байжановқа қылмыс туралы хабарламады деп айыптаудан бас тартуды ұсынады, деп хабарлайды KAZ.NUR.KZ.

"Мемлекеттік айыптау тарабы Байжановқа қатысты сот тергеуін қайта бастауды сұрайды", - деді прокурор.

Сот отырысына қатысушылар бұған қарсылық білдірмеді. Судья тергеуді қайта бастауға келісім берді.

Мемлекеттік айыптау тарабы бұған дейін Байжановқа тағылған айып бойынша тергеуді жалғастырады.

Еске салайық, судья 24 сәуірде Қуандық Бишімбаевқа қатысты сот тергеуінің аяқталғанын хабарлаған болатын. Сондай-ақ судья жарыссөз 29-30 сәуірде, сондай-ақ 2-3 мамырда өтетінін мәлімдеді.

Жарыссөз бүгін, 29 сәуірде сағат 10:00-де басталады деп жоспарланған болатын, бірақ процесс бірнеше минутқа ғана созылды. Айдауыл айыпталушыларды сот залына әкеліп үлгермеді.

Мәтіннен қате тапсаңыз, бізге жазыңыз