Бишімбаев ісі бойынша сот отырысының онлайн-трансляциясы бар-жоғы екі минутқа созылды

Опубликовано:10 мамыр 2024, 10:04

Қуандық Бишімбаев. Фото: t.me/Jogargy_sot

Бүгін Астанада экс-министр Бишімбаев пен оның туысы Байжановқа қатысты сот процесі жалғасты, бірақ отырыс екі минутқа ғана созылды. Бұл туралы KAZ.NUR.KZ хабарлайды.

Кезекті сот отырысы бүгін сағат 10:00-де басталды – судья тараптарды түгендеп, отырыс кейбір адвокаттардың қатысуынсыз өтуі мүмкін екенін ескертті.

"Алдыңғы сот отырысында сотталушылар Бишімбаев пен Байжановтың соңғы сөзі тыңдалды және Қазақстан Республикасы Қылмыстық-процестік кодексінің 653-бабының талабына сәйкес, тараптар алқабилердің қатысуымен сот шешетін сұрақтарды талқылауға тиіс.

Дәл осы бапқа сәйкес, алқабилердің қатысуымен сот шешетін сұрақтарды талқылау және құрау кезінде алқабилер кеңесу бөлмесінде болуы керек", - деді судья Айжан Құлбаева

Сот отырысының онлайн-трансляциясын Жоғарғы соттың YouTube-каналынан көруге болады.

Осыдан кейін судья алқабилер мен БАҚ өкілдерінен залдан шыға тұруды және хабар таратуды тоқтатуды сұрады. Судья алқабилерге сұрақтар қашан қойылатынын айтқан жоқ.

Свежая публикация по теме:

Бишімбаевқа рақымшылық жасалуы мүмкін бе: бас прокурордың орынбасары жауап берді 11 маусым 2025, 13:03

Қуандық Бишімбаев ісі

Больше по этой теме

Мәтіннен қате тапсаңыз, бізге жазыңыз