Дипломат күйеуінің соққыға жыққанын айтқан Карина Мамашқа қоқан-лоқы көрсетуде (видео)

БАӘ-дегі Қазақстан елшілігінің кеңесшісінің әйелі Карина Мамаш туыстарына қоқан-лоқы көрсетіп жатқанын мәлімдеді, деп хабарлайды KAZNUR.KZ. Естеріңізде болса, бұған дейін әйел күйеуінің соққыға жыққанын айтып шағымданған болатын.

"Бүгін Гүлнар апа әжеме хабарласты. Ол Сәкенге 3 жасынан қараған ең үлкен келін (Сәкен Мамаш – Каринаның күйеуі – ред. ескерт.). "Кеш болмай тұрғанда, Карина арызын қайтарып алсын, әйтпесе... Сәкеннің Астанада достары бар, жалпы Қазақстан бойынша да... оны не мертіктіріп тастайды, не өлтіреді.

Әжемнің аяғы тартылып қалды, немересімен болып жатқан жағдайдың кесірінен халі нашарлап кетті. Олар оған шабуыл жасап, үнемі жазады. Басында кешірім сұрады, енді қазір қорқытып жатыр", - деді Карина Мамаш өзінің TikTok парақшасында.

Мамыр айының басында Қазақстанның БАӘ-дегі елшісінің кеңесшісі Сәкен Мамаштың әйелі Карина Мамаш әлеуметтік желіде күйеуінің тарапынан 10 жыл бойы зорлық-зомбылыққа ұшырағанын мәлімдеді. Бұдан кейін ҚР Сыртқы істер министрлігі қызметкерді Қазақстанға кері шақырып жатқанын хабарлады: оның ісін құқық қорғау органдары қолға алатыны хабарланды.

Кейін Астана полиция департаменті бұл факті бойынша қылмыстық іс қозғалғанын хабарлады. Тергеудің басталғаны туралы ақпаратқа кейін ІІМ түсініктеме берді.

"Олар азаптау туралы іс қозғады, қазір оның қайда екенін айта алмаймын, біріншіден, сараптаманың қорытындысы бойынша шешім шығарылады Сараптама, жауап алу нәтижелері бойынша... қазір процессуалдық әрекеттер жүріп жатыр", - деді ІІМ басшысының орынбасары Игорь Лепеха мамыр айының ортасында.

9 мамырда Карина Мамаштың балаларымен бірге Астанадағы дағдарыс орталығында екені белгілі болды. Оған психолог пен заңгердің қызметтері көрсетілді.

Мәтіннен қате тапсаңыз, бізге жазыңыз