"12 рет пышақ сұққан": Алматы облысында ер адам қатігездікпен өлтірілген

Желіде Алматы облысында 29 жастағы жігіттің пышақ жарақатынан қайтыс болғаны туралы ақпарат пайда болды. Полицейлер бұл жағдайға қатысты түсініктеме берді, деп хабарлайды KAZ.NUR.KZ.

Адам өлімі туралы ақпарат Telegram-дағы egov.press арнасында пайда болды.

"Алматы облысының Есік қаласында белгісіз ер адам "Тойота RAV4" автокөлігімен келе жатып, 1995 жылы туған жігітке 12 рет пышақ сұғып алған", - делінген ақпаратта.

Бұл мәліметке қатыстыАлматы облыстық полиция департаментінің баспасөз қызметі пікір білдірді.

"Күдікті ұсталып, уақытша ұстау изоляторына қамалды. Кісі өліміне қатысты қылмыстық іс қозғалды. Оқиғаның барлық мән-жайын анықтау мақсатында жедел-іздестіру шаралары жүргізілуде", - делінген ведомство хабарында.

Мәтіннен қате тапсаңыз, бізге жазыңыз