Түркістан облысында биыл құқықбұзушылық саны азайған

Түркістан облысында биыл құқықбұзушылық деңгейі төмендеді. Бұл туралы KAZ.NUR.KZ Polisia.kz порталына сілтеме жасап хабарлайды.

Түркістан облысы полиция департаментінде жедел кеңес өтіп, 2024 жылдың 9 айында тәртіп сақшылары атқарған жұмыстың нәтижелері қаралды. 

Статистикаға сәйкес, Түркістан облысында осы жылдың 9 айында құқықбұзушылықтар 1,7 пайызға төмендеген. Ал қылмысты ашу деңгейі былтырғы жылмен салыстырғанда 2,9 пайызға жоғарылаған. Тонау қылмысының тіркелімі 26,7 пайызға төмендеген.

Облыстың бас полицейі көшеде жасалған қылмыстар мен мас халде қоғамдық орында болу фактілерінің алдын алуға, алаяқтық қылмысы мен жол-көлік оқиғаларының алдын алу шараларын күшейтуге, тұрақты түрде рейдтік-профилактикалық шараларды атқаруға тапсырма берді. Сонымен қатар қызметте төмен көрсеткіштерді көрсетіп, жұмысты жоғары деңгейде ұйымдастыра алмаған басшылардың жауапкершілігі қаралып, оларға тәртіптік жаза қолданылды.