Ұлытау облысында мемлекетке 218 млн теңге қайтарылды

Ұлытау облысында мемлекетке 218 млн теңге қайтарылды. Жезқазған қаласының тұрғын үй-коммуналдық шаруашылық бөлімі басшысы жауапқа тартылды, деп хабарлайды облыстық прокуратураға сілтеме жасаған KAZ.NUR.KZ.

Прокурорлық тексеру барысында Жезқазған қаласының тұрғын үй-коммуналдық шаруашылық бөлімінде жоғарылатылған баға бойынша құрылыс жұмыстары қабылданғаны анықталды.

Негізсіз төленген бюджет қаражатының сомасы 218 млн теңгені құрады.

"Прокурорлық шаралардың көмегімен бұзушылықтар жойылды. Бөлімнің бұрынғы басшысы Қылмыстық кодекстің 372-бабы бойынша жауапқа тартылды (абайсызда ауыр зардаптарға әкеп соққан немқұрайлылық).

Бүгінгі таңда аталған сома мемлекет кірісіне қайтарылды", - делінген хабарда.

Мәтіннен қате тапсаңыз, бізге жазыңыз